السبت في ٢١ تشرين الاول ٢٠١٧ ، آخر تحديث : 09:30 ص
YouTube Twitter Facebook RSS English French Portuguese
منتجع الميرامار في طرابلس يمنع محجبة من النزول إلى الشاطىء!
 
 
 
 
 
 
٢٨ حزيران ٢٠١٧
 
مع بداية فصل الصيف وإرتفاع درجات الحرارة خصوصاً في هذه الأيام، ولقضاء عطلة العيد يقصد بعض الناس البحر من أجل تمضية وقت مع العائلة. هذا ما أقدمت عليه نورا الزين مع زوجها، حيث قررت زيارة طرابلس وتحديداً منتج الميرامار، الذي يتبع لأقارب وزير العدل السابق اللواء أشرف ريفي، إلا أنها تفاجأت بمنعها من النزول إلى الشاطى بسبب أنها محجبة، وتلبس البوركيني ويجب أن ترتدي ثياب البحر "البيكيني".

وكتب نورا الزين على حسابها على موقع التواصل الإجتماعي الـ "فايسبوك" :"من كم يوم قررنا أنا و زوجي نحجز بال Miramar Hotel Resort and Spa بطرابلس. حضرنا حالنا مبسوطين أخدين ابني ابن السنة ونص نسبحو لأول مرة. و طبعا أنا جبت burkini من عند Mike sport يعني مرتب و مثلو مثل ايا لباس سباحة تاني بس مستر. و للأسف اول ما نزلنا عالشط، اجا Maitre-nageur و قلو لزوجي انو ممنوع المدام تنزل عالمي، سألو ليش قلو هيك القانون. بس طبعا انا طنشت وتركت ابني ينبسط بالمي. خاصة انو دافعين 250$ عالليلة و كنا حاجزين اكتر من ليلة. من بعدا اجا 3 اشخاص غير ال maitre-nageur و طلبو من زوجي انو المدام تطلع من البحر، رجع اجا المسؤول و اصر عهالطلب. قلتلو هيدا شط ملك للدولة وانا ما أسأت لحدا و بحقلي مثل اي لبناني انزل عالشط. كانت الحجة انو هيك القانون و انو بس تياب البحر مسموحة. مع العلم، و للمرة التانية، لي كنت لابستو مخصص للبحر. يعني حجتو كلا عبعضا مش زابطة. حاولنا نتوصل معو لحل، عرض انو ننزل عالمسبح الداخلي، يللي ما بتجي عليا شمس ولا في عالم يعني بمعنى تاني بدو يخبّينا، بس طبعا ما قبلنا لانو كان فيني سبح ابني بالبانيو بالبيت بلا ما ادفع دكة".

وأضافت:"للأسف ما تركلنا خيار غير انو نفل و طلبنا منو يرجع المصاري بلا ما يخصم أول ليلة وهيك صار.
ما تصورت للحظة حدا ممكن يمنعني من انو انزل عشط طرابلس بسبب حجابي. كان في بكل بساطة يطنش، شايف انو أم و أب حابين يسبحو ابنن سوا و كان ابني كتير مبسوط بالمي. تاني مرة لازم تزيدو علائحة القوانين تبعكن كم centimeter من المدام لازم يكون مبين قبل ما تنزل عالمي. يا عيب الشوم عهيك عقلية متعصبة. انا بتأسف انو بعد في هيك نوع من التخلف بلبنان".

وشددت على أن "ما بينسكت عن هيك موضوع ابداً بتمنى من الكل يفوت عصفحة Miramar و يترك bad review. و عفكرة قلنالو للمسؤول انو حنكي عن لي صار معنا عالفايسوك والbooking و كان جوابو انو نحنا حرين نحكي لي بدنا ياه هوي ما في يمنعنا. يعني بمعنى تاني ما فرقت معو. يعني customer care و لا اروع :) Mohamad H. Lawand".
خ.م
 
لإضافة أي تعليق عليك أن تكون مسجلاً أو إضغط هنا للتسجيل
 
تعليقات سابقة
 
لا يوجد تعليقات على هذا الخبر